SƏN ŞEİR SÖYLƏYƏNDƏ
( Canı ilə, qanı ilə Turan dünyasına bağlı olan
NİHAL MİRDOĞANA )
Bərq vuranda bil günəş hər tərəf şəfəq saçır,
Al bayrağın yanında sən şeir söyləyəndə.
Qaranlıqlar yox olur gündüzlər güllər açır,
Sən bayraqla görüşüb, dil şeir söyləyəndə.
Axşamları mərhaba, deyib uzun güləndə,
Qəlbim rahatlıq tapır mən səni dinləyəndə.
Ruhum bədəndən çıxır pərvanətək rəqs edir,
Ay ulduza baş əyir, sən şeir söyləyəndə.
Söz meydanı sizindir məсlis yaman qızışır,
Ağızdan dürr tökülür şeir, sənət yarışır.
Sən qırmızı bayrağa o da sənə yaraşır,
Hər yana nur çilənir, sən şeir söyləyəndə.
Bu qədər şirin sözlü, ürkək, əsmər baxışlı,
Bu qədər gülər üzlü, sözü dürlü, naxışlı,
Gözü iti, kəsərli, görkəmi mərd duruşlu,
Görəndə ağlım çaşır, sən şeir söyləyəndə.
Üzü qardan, borandan dönüb bir bahar olur,
Bir türk oğlu , türk qızı bil səni dinləyəndə.
Göydəki dan ulduzu, daha da parlaq olur,
O da səni dinləyir, sən şeir söyləyəndə.
Günəş qüruba enmir, durub səni dinləyir,
Qəm-kədərdən ayrılıb bir azca üzüm gülür.
Xəyalım uçub gedir, sanki gəzir dünyanı,
Çaylar zümzümə edir, sən şeir söyləyəndə.
Millətə, türkə bağlı görəmmədim dünyada,
Şeirə sadiq insan rast gəlmədim bir yanda,
Qəlbim fərəhlə dolur dillənir o kaman da,
Deyir çalginən məni, sən şeir söyləyəndə,
Sən şeir söyləyəndə əlindəki vərəq də,
Sanki qaranquş olub göylərdə pərvaz edir.
Günəş gözünü açıb dan yerindən boylanır,
İnsan kəndinə gəlir, sən şeir söyləyəndə.
Dalğalan türk bayrağı düşmənlərin xar olsun,
Ah, qocaman Türkiyəm daim bəxtiyar olsun,
Bu şeir də Şəkərdən sizə yadigar olsun.
Mən necə sevinməyim, sizi necə anmayım,
Cümlə Turan sevinir, sən şeir söyləyəndə.
Sən şeir söyləyəndə.
30.12.2013